Lleoliad Ymchwil mewn Ymarfer

 Mae dod o hyd i leoliad yn gofyn am waith paratoi. Cyn i chi ddechrau chwilio am gyfleoedd, rydym yn argymell cwblhau’r gweithgareddau canlynol.

Beth i’w wneud

Ewch i sesiwn wybodaeth Ymchwil ar Waith Ysgol Graddedigion Gwyddorau Cymdeithasol Cymru.

Cyflwynir y sesiynau ar-lein hyn bob semester a’u hysbysebu drwy gylchlythyr misol Ysgol Graddedigion Gwyddorau Cymdeithasol Cymru a’r sianel Teams. Mae sesiynau’n rhoi trosolwg o’r cynllun a chyfle i ofyn cwestiynau.

Hysbysebir sesiynau bob mis yng nghylchlythyr Ysgol Graddedigion Gwyddorau Cymdeithasol Cymru, neu anfonwch e-bost at esrcrip@bangor.ac.uk i ofyn am gyfarfod un-i-un.

Trafod amseriad y lleoliad gyda’ch goruchwyliwr/goruchwylwyr

Cyn gwneud cais am leoliad, trafodwch eich cynlluniau gyda’ch goruchwyliwr/goruchwylwyr.

Ystyriwch:

• Eich amserlen ymchwil a cherrig milltir allweddol
• Gofynion adolygiad symud ymlaen
• Pryd fydd lleoliad yn cael yr effaith leiaf ar eich ymchwil PhD

Adolygwch eich Dadansoddiad Anghenion Datblygu. Dylai eich lleoliad gefnogi eich datblygiad proffesiynol a’ch nodau gyrfa hirdymor.

Ystyriwch:

• Pa sgiliau ydych chi eisiau eu datblygu?
• Meysydd lle byddech yn elwa o brofiad ychwanegol
• Sut gall lleoliad gyfrannu at eich cynlluniau gyrfa yn y dyfodol

Diweddarwch eich CV a’ch deunyddiau cais

Diweddarwch eich CV ac adnewyddu eich sgiliau ymgeisio a’ch sgiliau cyfweld. Gall Gwasanaeth Gyrfaoedd a Chyflogadwyedd y brifysgol ddarparu cefnogaeth ac arweiniad.

Pwyntiau allweddol

• Ni ellir mynd ar leoliad yn ystod 3 mis cyntaf eich PhD
• Os ydych yn gwneud cais yn eich blwyddyn olaf, rhaid bod gennych o leiaf chwe mis o’ch cyfnod ariannu ar ôl ar ddechrau’r lleoliad.
• Ni ellir mynd ar leoliad yn ystod eich blwyddyn Meistr.
• Canolbwyntiwch ar y sgiliau a’r profiadau rydych eisiau eu hennill, nid dim ond lleoliadau sy’n gysylltiedig â phwnc eich ymchwil
• Amserlen: Caniatewch hyd at 6 mis i gynllunio

Camau Nesaf

• Darellenwch y canllwiau Lleoliad a’r Canllawiau Cyllido (brig y dudalen hon)
• Cyflwyno ffurflen Mynegi Diddordeb (gwaelod y dudalon hon)

Gallwch sicrhau lleoliad mewn un o dair ffordd:

Lleoliadau a Hysbysebir gan Ysgol Graddedigion Gwyddorau Cymdeithasol Cymru

Gwnewch gais yn uniongyrchol ar gyfer cyfleoedd a hysbysebir ar wefan Ysgol Graddedigion Gwyddorau Cymdeithasol Cymru.

Mae Ysgol Graddedigion Gwyddorau Cymdeithasol Cymru yn gweithio gyda sefydliadau lletyol ar draws sectorau cyhoeddus, sectorau preifat a sectorau academaidd i ddatblygu cyfleoedd lleoliadau sy’n cael eu hysbysebu trwy wefan Ysgol Graddedigion Gwyddorau Cymdeithasol Cymru a sianel Teams Ymchwil ar Waith.

Mae pob cyfle yn cynnwys y canlynol:

• Disgrifiad o’r lleoliad
• Gweithgareddau ac amcanion arfaethedig
• Datblygu sgiliau
• Deilliannau disgwyliedig
• Cyfarwyddiadau ymgeisio

Mae ymchwilwyr yn gwneud cais yn uniongyrchol i’r sefydliad lletyol. Wrth gyflwyno eich cais, copïwch (cc) y mewnflwch: esrcrip@bangor.ac.uk

Rhaid cyflwyno ceisiadau cyn y dyddiad cau a nodir.

Bydd y sefydliad lletyol yn adolygu ceisiadau ac yn dewis yr ymgeisydd llwyddiannus.

Bydd y sefydliad lletyol yn rheoli’r broses recriwtio ac yn gwneud y penderfyniad terfynol o ran yr ymgeiswyr llwyddiannus.

Os ydych yn derbyn lleoliad, anfonwch e-bost at esrcrip@bangor.ac.uk

Rydym yn annog ymchwilwyr i ystyried cyfleoedd y tu hwnt i’w maes ymchwil uniongyrchol a chanolbwyntio yn hytrach ar y sgiliau y maent yn dymuno eu datblygu a’r profiadau y maent eisiau eu cael.

Sylwch: Efallai na fyddwch yn llwyddiannus gyda’ch cais cyntaf, felly caniatewch ddigon o amser i gynllunio a gwneud cais.

Cynlluniau Lleoliadau Allanol

Gallwch wneud cais am gyfleoedd drwy raglenni lleoliadau allanol, megis

• Interniaethau Polisi UKRI
• Cynlluniau lleoliadau doethurol neu gynlluniau interniaethau eraill

Rhaid i leoliadau allanol fodloni gofynion lleoliadau Ysgol Graddedigion Gwyddorau Cymdeithasol Cymru a’r ESRC, gan gynnwys y meini prawf cymhwysedd o ran hyd a chyllid.

Os ydych yn ansicr a yw cyfle yn gymwys, cysylltwch ag esrcrip@bangor.ac.uk cyn gwneud cais.

Lleoliadau a Drefnir Gennych Chi

Gallwch drefnu eich lleoliad eich hun drwy gysylltu â sefydliad addas yn uniongyrchol a datblygu lleoliad sy’n diwallu eich anghenion datblygu a gofynion y sefydliad lletyol.

Pwyntiau allweddol

Wrth ddatblygu lleoliad a drefnir gennych chi:

• Rhannwch Ganllawiau Ysgol Graddedigion Gwyddorau Cymdeithasol Cymru ar gyfer Sefydliadau Lletyol gyda’r sefydliad
• Trafodwch weithgareddau a chanlyniadau posibl
• Sicrhewch fod y lleoliad yn cefnogi eich anghenion datblygu
• Sicrhewch fod y lleoliad yn bodloni gofynion Ysgol Graddedigion Gwyddorau Cymdeithasol Cymru
• Ystyriwch fforddiadwyedd ac ymrwymiadau teithio

Efallai y bydd eich goruchwyliwr hefyd yn gallu eich cyflwyno i gysylltiadau o fewn eu rhwydwaith proffesiynol. Ar ôl i leoliad gael ei gytuno mewn egwyddor, rhaid i chi gyflwyno Cais Cymeradwyo Lleoliad i Ysgol Graddedigion Gwyddorau Cymdeithasol Cymru.

Amserlen: Hyd at 6-9 mis yn dibynnu ar amserlenni recriwtio.

Cipolwg ar gymhwysedd lleoliadau

• Rhaid iddynt fodloni gofynion lleoliadau yr ESRC/Ysgol Graddedigion Gwyddorau Cymdeithasol Cymru. Gwelwch y canllawiau
• Rhaid iddynt gefnogi datblygiad eich sgiliau a’ch datblygiad proffesiynol
• Gallant fod yn y sector cyhoeddus, y sector preifat, y trydydd sector neu’r sector academaidd
• Gellir eu cynnal yn y cnawd, o bell neu’n hybrid
• Rhaid iddynt gael eu cymeradwyo gan Ysgol Graddedigion Gwyddorau Cymdeithasol Cymru cyn iddynt ddechrau

Fformat Lleoliadau

Gellir cynnal lleoliadau:

• Yn y cnawd
• O bell
• Yn hybrid

Dylai ymchwilwyr, lle bo modd, geisio lleoliadau o fewn pellter cymudo rhesymol oni bai bod gweithio o bell yn bosibl neu fod costau teithio wedi’u cynnwys.

Ar ôl i chi sicrhau cynnig lleoliad, gwnewch gais am gymeradwyaeth Ysgol Graddedigion Gwyddorau Cymdeithasol Cymru cyn i’r lleoliad ddechrau. Mae’r Lleoliad Ymchwil ar Waith yn elfen orfodol o ysgoloriaeth Ysgol Graddedigion Gwyddorau Cymdeithasol Cymru a rhaid cymeradwyo pob lleoliad i sicrhau eu bod yn bodloni gofynion yr ESRC ac yn cefnogi eich anghenion datblygu.

Bydd angen i chi wneud y canlynol:

• Cwblhau Ffurflen Gais Ysgol Graddedigion Gwyddorau Cymdeithasol Cymru am Leoliad.
• Cael mewnbwn gan eich sefydliad lletyol a’ch goruchwyliwr.
• Gwneud cais am gyllid lleoliad (os oes angen).
• Cwblhau unrhyw ofynion cynefino’r sefydliad lletyol.
• Cwblhau unrhyw brosesau cymeradwyo y brifysgol.

Pwyntiau allweddol

• Cyflwynwch eich cais o leiaf 12 wythnos cyn dyddiad dechrau’r lleoliad.
• Gall unrhyw geisiadau a dderbynnir llai nag 8 wythnos cyn y dyddiad dechrau greu oedi wrth ddechrau’r lleoliad.
• Rhaid cael y gymeradwyaeth ofynnol a chytundeb lleoliad wedi’i lofnodi cyn i chi ddechrau.

Amserlen: O leiaf 8-12 wythnos.

Yn ystod eich lleoliad byddwch yn parhau i fod yn ymchwilydd doethurol cofrestredig yn eich prifysgol.

Eich cyfrifoldebau

• Cadw mewn cysylltiad â’ch goruchwyliwr/goruchwylwyr.
• Ymgysylltu’n llawn mewn gweithgareddau ar leoliad.
• Cwblhau unrhyw ofynion monitro fisa lle bo’n berthnasol.
• Codi unrhyw bryderon gyda’ch sefydliad lletyol, eich prifysgol, neu Ysgol Graddedigion Gwyddorau Cymdeithasol Cymru cyn gynted â phosibl.

Deiliaid Fisa Myfyrwyr

• Rhaid i ymchwilwyr sydd â Fisa Myfyrwyr barhau i fodloni holl ofynion monitro ac adrodd y brifysgol er mwyn parhau i gydymffurfio â rheoliadau’r UKVI.

Pwyntiau allweddol

• Gall lleoliadau fod yn llawn amser neu’n rhan amser.
• Gallwch barhau i gael mynediad at wasanaethau cefnogi’r brifysgol drwy gydol y lleoliad.

Amserlen: Fel arfer 13 wythnos yn llawn amser neu 26 wythnos yn rhan amser

Ar ddiwedd eich lleoliad, cyflwynwch y dogfennau adrodd a gwerthuso gofynnol.

Bydd angen i chi wneud y canlynol:

• Cyflwyno eich Adroddiad Diwedd Lleoliad.
• Cwblhau’r arolwg adborth lleoliad.
• Adfyfyrio ar y profiadau a’r sgiliau rydych wedi eu hennill.
• Rhannu canlyniadau ac effaith lle bo’n briodol.

Amserlen: Cyflwyno o fewn 1 mis o gwblhau’r lleoliad.

  .