Interniaeth gyda Llywodraeth Cymru

Mae YGGCC yn falch o gynnig 5 cyfle interniaeth gyda Llywodraeth Cymru, ar gyfer gweithio ar brosiectau penodol sy’n ymdrin ag ystod o bynciau fel y’i nodir yn y disgrifiadau prosiect isod.

Rhagwelir y bydd yr interniaethau’n dechrau yn ystod Gwanwyn/Haf 2025 am gyfnod o 3-6 mis (ar sail amser llawn neu am gyfnod cyfwerth â rhan-amser).  Bydd ymgeiswyr llwyddiannus yn cael estyniad cyfwerth â hyd yr interniaeth ar gyfer eu PhD.

Mae’r cyfleoedd hyn i wneud interniaeth yn agored i unrhyw fyfyriwr YGGCC a ariannwyd o dan Bartneriaeth Hyfforddiant Doethurol Cymru (myfyrwyr a ddechreuodd ysgoloriaeth rhwng 2017 a 2023). Ni ddylai ymgeiswyr fod o fewn 3 mis i ddiwedd cyfnod yr ysgoloriaeth a ariannwyd.

Sylwer, mae bod yn gymwys i ymgymryd ag un o interniaethau Llywodraeth Cymru yn dibynnu ar fodloni rheolau Cenedligrwydd y Gwasanaeth Sifil. Gwnewch yn siŵr eich bod yn gymwys cyn gwneud cais.

Bydd yr interniaethau hyn yn cynnig cyfleoedd i greu effaith drwy gyfrannu at waith y llywodraeth, y cyfle i feithrin perthnasau y tu hwnt i’r byd academaidd, yn ogystal â’r gallu i ddatblygu sgiliau ymchwil mewn amgylchedd polisi.

Interniaethau sydd ar gael

Mae disgrifiadau llawn o’r prosiect ar gael yn y dogfennau atodedig:

Archwilio cyrhaeddiad a defnydd Fframwaith Integreiddio Mudwyr Cymru

Hyd: 3 mis
Adran: Bydd yr interniaeth wedi’i lleoli o fewn Gwasanaethau Gwybodaeth a Dadansoddi (KAS). 
Dyddiad dechrau’r interniaeth: Gwanwyn 2025 (union ddyddiad i’w drafod).

GWELD DISGRIFIAD O’R PROSIECT LLAWN

Ymchwil Cadw i Enwau Topograffig

Hyd: 6 mis
Adran: Bydd yr interniaeth wedi’i lleoli o fewn Gwasanaethau Gwybodaeth a Dadansoddi (KAS). 
Dyddiad dechrau’r interniaeth: Mai 2025 (union ddyddiad i’w drafod).

GWELD DISGRIFIAD O’R PROSIECT LLAWN

Y berthynas rhwng twf economaidd a lleihau tlodi

Hyd: 3 mis
Adran: Bydd yr interniaeth wedi’i lleoli o fewn Gwasanaethau Gwybodaeth a Dadansoddi (KAS). 
Dyddiad dechrau’r interniaeth: Ebrill 2025 (union ddyddiad i’w drafod).

GWELD DISGRIFIAD O’R PROSIECT LLAWN

Fforddiadwyedd Rhenti yng Nghymru

Hyd: 3 mis
Adran: Bydd yr interniaeth wedi’i lleoli o fewn Gwasanaethau Gwybodaeth a Dadansoddi (KAS). 
Dyddiad dechrau’r interniaeth: Mai 2025 (union ddyddiad i’w drafod).

GWELD DISGRIFIAD O’R PROSIECT LLAWN

Synthesis o dystiolaeth ar benderfyniadau rhieni am ofal plant ar gyfer plant rhwng naw mis a dwy flwydd oed

Hyd: 3 mis
Adran: Bydd yr interniaeth wedi’i lleoli yn y gangen Tystiolaeth i Blant, Teuluoedd a
Gofal Plant yn yr Is-adran Tystiolaeth a Chefnogaeth ar gyfer Cydraddoldeb, Tlodi a
Phlant (EPCESD).


Dyddiad dechrau’r interniaeth: Ebrill/Mai 2025 (union ddyddiad i’w drafod).

GWELD DISGRIFIAD O’R PROSIECT LLAWN

Sut i Wneud Cais

Llenwch y ffurflen gais a’i hanfon at enquiries@wgsss.ac.uk erbyn 4pm ar y 04/04/2025